Zindagi Ke Panne

RSS Feed Homepage

Articles: 1, 2

Muhobbat
2008-01-06 17:37:00
Mujhse poocho kitne taare toote hainEk teri khwaish poori karne ke liyeMujhse poocho maine kitni koshishein ki haiTere labon pe ek muskurahat sajaane ke liyeTere hisse ke gam apne naam karwaakeTujhe apne hise ki khushi de doonAajao, do pal baitho mere paas aakeMain tumhe apni saari muhobbat de doon

Untitled - 4
2007-12-25 09:38:00
Part 1 | Part 2 | Part 3Useh woh hospital le aaya aur jaise hi Lavanya ko stretcher parr litaaya gaya ek nurse ne aakarr usse patient se uska rishta poocha. Kya kehta Keshav? Dost, premi ya kuch nahi?Keshav ne nurse ko bataaya ke Lavanya uski dost thi. Resident doctor ne Lavanya ko dekha aur kaha ke yeh ek police case hai. Keshav ne doctor se request ki ke woh Lavanya ka ilaajh shuru karr de aur woh baaki sab formalities poori karr dega. Utne mein ek constable aaya aur Keshav ne poori haqeeqat useh batayi. Constable ke kehne parr doctor Lavanya ko operating room le gaye.Bahut der ho chuki thi, ab tak Lavanya operation room mein hi thi. Keshav bechain ho raha tha. Usne ghar parr phone lagaaya aur apni maa ko bataaya ke woh hospital mein hai. Usne poori ghatna apni maa ko phone parr sunaayi aur rone laga. Woh apni maa ke godh mein sirh rakhkarr rona chahta tha theek usi tarah jaise woh tab roya tha jab useh pata chala tha ke uski Lavanya kisi aur se shaadi karr rahi hai.Keshav aur Lav...

Untitled - 3
2007-12-23 21:51:00
Part 1 | Part 2Mann ka doosra hissa keh raha tha ke Lavanya ki shaadi ho gayi hai iss kaaran uska pyar kaise kam ho sakta hai...Aaj bhi jab woh Lavanya ke baare mein soch raha tha, useh chumne ke baare mein soch raha tha to woh uski vaasna nahi thi, uska pyar tha. Lavanya ki aaj aisi haalat thi ke useh dekhkarr kisi ke mann mein vaasna jagh nahi sakti thi, sirf wahi insaan uske kareeb jaane ka soch sakta tha jo useh pyar karta tha, uske shareer se nahi. Taaze zakhmon ke alaava uske shareer parr kuch puraane ghaav bhi the.Ek taraf useh Lavanya ki haalat dekhkarr bura lagh raha tha to doosri orh uske pati ke baare mein sochkarr ghussa aa raha tha. Aaj Lavanya ki jo bhi haalath thi uske pati ki wajah se thi. Aaj jab woh apne ek dost ke saath uske mangetar ke ghar gaya tha janamdin ki party attend karne to useh ek ghar se maar peet ki awaaz sunaayi dene lagi. Furniture tootne ki awaaz, aurat ke chillaane ki awaaz, bacche ke rone ki awaaz. Usne dekha ke darwaaze ke baahar logh ikkhatta h...

Untitled - 2
2007-12-22 20:38:00
Part 1Keshav ke maata pitaah ne Keshav ko naami medical college mein daakhla dilaaya tha. Waise to woh hoshiyaar tha magar free seat mil paaye itna bhi nahi. Usne payment seat li thi. Magar Lavanya merit holder thi aur useh aasaani se admission mil gaya tha. College ka pehla din tha aur Keshav kuch sehma sehma sa tha kyunki woh kisiko jaanta nahi tha. Doosri orh Lavanya thi, chulbuli ladki, jo harr ek se yun baatein karr rahi thi jaise maano uss insaan ko woh bahut saalon se pehchaanti ho.Lavanya ki nazar jab Keshav pe padi to woh ek kone mein khada rehkarr chupchaap syllabus notedown karr raha tha. Lavanya uske paas jaakarr khadi rahi aur usse bhi baatein karne lagi. Magar Keshav ne jyaada baat nahi ki aur woh apna kaam niptakarr chala gaya.Aaj uss din ko yaad karke Keshav ke hothon pe halki si muskaan aa gayi. Aisi hi thi Lavanya, jo musibat ke waqt bhi kisiko muskuraana sikha de. Yeh sochte hi Keshav ro pada.Bahut der tak woh rota raha parr fir apne aansoon ponchke woh prarthna k...

Untitled
2007-12-21 12:46:00
Please suggest a title...Yun to zindagi mein usne kisi se kuch nahi maanga tha, na Bhagwan se na insaan se. Bachpann se lekarr aaj tak uske maata pitaah ne useh sabkuch diya tha. Dhan-daulat, pyar, sabkuch.Magar aaj, aaj woh bhagwaan se haath jodkarr kuch maang raha tha, ghutno pe baithe hue aur aankhon se aansoo bahaate hue. Woh zindagi maang raha tha uss aurat ke liye jisne uski zindagi ko barbaad karne mein koi bhi kasar nahi chodi thi. Aaj agar uske zindagi mein gam tha to sirf usi aurat ki wajah se tha. Agar woh chahta to uss aurat ki madat na karke useh wahi chod sakta tha, marne ke liye, magar usne aisa nahi kiya. Woh useh apni gaadi mein daalkarr hospital le aaya aur ab uske liye dua maang raha tha. Sirf ek baat thi jo usne Lavanya ke liye nahi ki, usne apna khoon Lavanya ko dene se inkaar karr diya.Doctor thode hairaan hue to the magar jab usne unhe kaaran bataaya to woh samajh gaye aur nurse ko fauran doosre blood banks mein phone karne ko keh diya.Usne Lavanya ko khoon is...

Pyar
2007-12-18 20:54:00
Kuch likha na hota,Kuch kaha na hotaGarr tujhse pyar na kartiTo dil dhadka na hotaYahi sochti hu main rozDekhkarr teri tasveer koMausam badalte rahe,Rishte badalte rahe,Parr koi badal na saka mere pyar ko

Jeet
2007-12-13 11:56:00
Khud hi jung ched diKhud hi labzon ki talwaar chalaate raheKhud hi jeet ka jashn manaa liyaKamse kam dekha to hotaSaamne wala lada hi nahi to haarta kaiseUsne chup rehkar tumhe jeeta diya.
More About: Jeet

Adhuri Zindagi...
2007-12-04 21:12:00
Photograph: (c) DanneJalh gaye khwaab saareSaare armaan bhasm ho gayeEk teri chitaa ke saathJaane kya kuch nahi mit gaya meraWoh sanjoye hue haseen lamheWoh khuli aankhon se dekha hua bhavishyaWoh muskurahat jo labon pe aati thi tere aane seWoh hayaa jo aati tere choone seSab mith gaya, dhuan ho gayaAb raakh bachi hai sirf adhuri zindagi ki

Puraane Khat
2007-11-25 16:07:00
Jo likhe the kabhiClass mein baithkarrDil ke armaan pen seKaagaz pe utaarkarrAaj woh khat milte hain kabhi kabhiUn puraani kitaabon meinPuraane khat, puraane jazbaatPuraane din, puraane haalaathAnkahi muhobbat, ansuni iltajaaAankhon mein woh anchalke aansooLabon pe aakarr ruke hue woh ankahe alfaazAaj bhi mehek aati hai unn khaton seSunayi deti hai dhadkano ki awaazCheekhte hain, pukaarte hain mujheKehte hai uthao humein aur de doUseh, jiska naam hai chipa harr alfaaz meinJiski ek awaaz sunne ke liyeTaras jaate the kaanJiske kareeb se guzarte hiSaansein tham-si jaati thiJiski mehek aati hai aaj bhi meri yaadon seLekar unn khaton ko haathon meinChumkarr labon se, lagaakar seene seKehti hu ...Ab bahut der ho chuki hai.

Kyun?
2007-11-19 12:44:00
Kyun neend aati nahiKyun chain aata nahiKaisa khwaab hai yeh joPalkon parr hai magarNazar mujhko aata nahi.Harr tasveer teri jala diHarr nishaani mita diParr kaise hain yeh nishaanDil parr jo mitane se jaate nahi.Harr disha mein dikhta haiHarr awaaz mein sunaayi deta haiTu khwaab hai koi ya parchai haiTere aane ka hai intezaarMagar tu aata nahi.Naummeed ho jaun bhale hi mainParr mere naina jaane kyun thakte nahiDhadkano ko dhadakte rakhti haiJaane kaisi aas haiDur hai tu mujhse magarLaghta kyun paas paas hai.

Yun...
2007-11-08 21:42:00
Yun baahon mein samet lo mujheKe saansein tham jaaye to gam na hoItna pyaar karo mujheKe kabhi aankhein meri nam na hoYun thaam lo mera haathKe tanhaiyon mein bhi akelepann ka ehsaas na hoYun ek ho jaao mujhmeinKe duniya chahe bhi to juda hum na hoYun bann jaao mereKe kabhi kuch khone ka gam na hoMaut aaye bhi garr mujheTo aaye teri baahon meinKe dekhkarr tujhe aakhri baarMujhe marne ka bhi gam na hoYun baahon mein samet lo mujheKe saansein tham jaaye to gam na ho.

Kisi Ne...
2007-10-30 15:11:00
Kisi ne haule se aakarrMujhe muskurana seekha diyaKisi ne muskurakarrMujhe jeena seekha diyaThaamb karr mere haathon koMujhe vishwas karna seekha diyaDekhkarr meri aankhon meinMujhe muhobbat karna seekha diya

Zindagi Ne ...
2007-10-26 18:43:00
Zindagi ne diye hai bahut gamFir bhi usse naaraaz nahiTo tumse kaise shikaayat karuKaise poochun tumse ke dil mera toda kyun?Kadam kadam parr zindagi neMera imtehaan liya haiMaine muskuraakarr harr imtehaan ka saamna kiyaNa kabhi koi gila kiyaTo tumse kaise shikwa karu keTumne kyun maanga mujhse mere pyar ka sabootZindagi ne mere raaste mein bichaayeHarr kadam parr dukhon ke kaanteChupchaap chalti rahi, paon chilte raheFir bhi labon se uff bhi na nikliTo fir kaise nikalti uff mere labon se dil ke toot jaane se?

Kya Karr Baithe
2007-10-21 17:12:00
Galat darwaze parr dastak de baitheGalat insaan se ummeed laga baitheDil to nadaan tha galati karr baithaHum bhi jaane kaise dil ki baat maan baitheUnki humdardi ko muhobbat samajh baitheUnki aankhon ko galat padh baitheUnhone kabhi kuch kaha nahin aur hum...Unki khamoshi ko ikraar samajh baitheBadhaaya unhone apna haath sahaare ke liyeHum uss haath ko unka saath samajh baitheDo kadam saath chale woh to hum...Jaane kyun unhe humsafar samajh baitheAaj jab sukh gaye aansu aankhon keTo socha jaane kyun hum unke liye aansu bahaa baitheAaj tak koste hain apne aap ko...Jaane hum yeh kya karr baithe

Khamosh Raat
2007-10-13 00:40:00
Khamosh raat haiMann mein macha hai magar shorBaahar chaand muskura raha haiMann mein chaye hai badal ghanghorYun to hawaon mein haiKhushiyon ki leharParr jyun macha haiMann mein mere dukh ka keharKyun aaj jeene ko mann nahi kartaJab fiza ka harr kann mujhe protsahit hai karta?Kyun nahi sunn pa rahi mainGungunaati hawa ke geet?Kyun gum hai mere jeevan se sangeet?Chanchal hawa kaano mein mereKuch keh jaati haiParr mujhe jaane kyunUski awaaz sunai nahi deti haiKaisa hai chaaya sannata mere jeevan mein?Kyun shabd nahi baseh mere inn labon ki pankhudi mein?Kyun khamosh hai zubaan?Awaaz meri kahan gum hai?Kyun aankhon mein hai paniDhadkan gumsum hai?Khamosh raat haiMann mein macha hai magar shorBaahar chaand muskura raha haiMann mein chaye hai badal ghanghor
More About: Amos

Dosti
2007-09-28 12:35:00
Apna gam na bhula sakungiMagar tera gam bhulaane mein tera saath dungiRaah mein mushkilein ho meri to bhiTeri raah ke kaatein nikaalungiDost hu teri,Dosti ka harr farz nibhaungiZara mujhparr vishwaas karke to dekhBadi door tak tera saath nibhaungiFor Tarni

Azaadi
2007-08-14 23:08:00
Azaad hue the hum aajAaj hi shaheedon ki aatma ko mila tha sakhoonAaj hi jaag utha tha bharatJab so rahi thi saari duniyaWaqt beeta,Maahol badla...Saal guzre,Parr dil se woh yaadein nahi jaatiJab jaane kitno ka khoon baha thaJab maa ki kokh mein pade the chaaleAao aaj humYaad kare unheJo mit gaye ke humAzaad bharat mein saans le sakeTo kya hua garrSanse unki tham gayiAao aaj manaaye humAzaadi sacche maayne meinSeekh le kuchUnn gulaami ke dino seKhushiyaan manaaye azaadi kaMagar -Zara aansu bhi chalkaayeYaad karke veer jawaano ko

Tum...
2007-08-03 23:11:00
Dil se nikalkarr jo kabhiKhamoshi mein gum ho jaati haiWoh awaaz ho tumRaushan mehfil mein bhiAndhero se ghira huaWoh khayal ho tumPal-pal jo beetkarr bhiThehra hua haiWoh lamha ho tumLabon parr aaj bhiJo thehra hua hai teri yaad bankarrWoh ehsaas ho tumBaarish mein yunhi kabhiAankhon se aansu bankarr chalakti hai joWoh yaad ho tum

Jaane Kaisa Rishta Hai Yeh...
2007-07-31 20:46:00
Jaane kaisa rishta hai yehJo aankhon se hokarr dil mein utarta haiApna-sa laghta hai mujheKabhi mujhe duniya se anjaan banaata haiHarr pal rehta hai mere saathTere saath ka ehsaas dilaata hai yeh…Jaane kaisa rishta hai yehSubah ki komal dhoop ki tarah raahon mein khushiyaan laata haiAnchuyi kali ki tarah maasoom hai yehKabhi aansoo hai, kabhi hai hansi…Kabhi savaal poochta hai, kabhi khud jawab deta hai yeh…Jaane kaisa rishta hai yehApni surat mein tera aks dikhaata haiTeri surat mein apna chehra khojne ko seekhata haiAnkahe labzon ko dil tak pahunchata haiAnsuni awaazein fiza mein bikherta hai yeh…Jaane kaisa rishta hai yehJaane kaisa rishta hai yeh…Jis wajah se tu meri harr kavita mein nazar aata haiKabhi chupta hai tu mujhseKabhi mere kaano mein kuch keh jaata haiKabhi mere dil mein samaakarr tu…Sihaayi se nikalkarr… kaagaz parr utar aata haiJaane kaise fir yeh haath dil ki baatein likhne laghta hai…Samajh na saki main kabhi parr fir bhi pyaara laghta hai yeh…Ja...

Ashkon Ko Ab
2007-07-28 21:53:00
Ashkon ko ab humne peena seekh liya haiKya iska matlab humne jeena seekh liya hai?Kya yahi hai zindagi, gamon ko chipaana?Ashkon ke namak ko muskurate labon se chakh jaana?

Raaz...
2007-07-25 21:18:00
Usne poocha kya hai dil meinRaaz zara bata deMaine dekha uski orhParr woh samajh na sakaRaaz khul gaye saare parr woh padh na sakaPoonchta raha mere aansu apne rumaal seBaalon mein haath ferta rahaPaas baitha mereMagar pal pal mujhse door jaata raha

Hausla buland karr liya...
2007-07-22 23:09:00
Hausla buland karr liyaUmmeed ka diya jalaa liyaBhoolkarr puraani kahi suni baateinAb manzil ko paakarr hi dam lengeRaah mein aaye jo bhi musibateinHum unko muskuraakarr paar karr lengeAankhon mein hai chamak ab toJeet ki shehnai kaano mein gunjhti haiChalte waqt jo chubte hain pairon koWoh kaante ab kya humein rok sakte haiKe parr laga liye hain khwaabon keBula ndi choone ki aarzoo dil mein hai

Yun Hi
2007-07-21 22:09:00
Khwaabon mein yun hi aate rahoNeend meri udaate rahoDoor jaane lago jab kabhi mainApne kareeb bulaate rahoPaas baitho mereAankhon mein dekhte rahoZamaana baimaan ho jaayeTum wafaaein nibhaate rahoNafrat se bhari duniya meinPyar bikherte rahoMain tumhare dil mein rahuTum mere dil mein raho

Zindagi Ab...
2007-07-20 09:57:00
Zindagi ab naya mod lene ko haiBass, agle hi mod parrKismat saath dene ko haiKiran khushiyon kiAb failne ko haiZindagi ab naya mod lene ko haiJo sapne dekhe maineBandh aur khuli aankhon seSapne woh sach hone ko haiKal ho ya ho parsonMeri kismat ab chamakne ko haiZindagi ab naya mod lene ko haiRaahon mein faili musibateinUmmeed aur koshishon ki bauchaar seMitne ko haiRaasta khula aur musibat bandh hone ko haiZindagi ab naya mod lene ko hai

Khwaaish
2007-07-19 10:57:00
Unhe dekhte hi yun khush ho jaate hain humKe jaise doobte ko tinka dikh jaayeBass -Ab yahi khwaaish hai...Jiye to unke saathMare to unhi ki baahon mein.

Aansu
2007-07-09 21:33:00
Baarish ki boondon mein chipaake aansuAaj hum jee bhar ke ro liyeKuch aansu beh gaye baarish ke saathKuch dil mein utarkarr nasoor bann gayeTujhe yaad karke roye kabhiKabhi tune diye ghaav khuredkarr royeSiskiyaan leke roye kabhiKabhi khamoshi se roye

Tere Khwaab
2007-07-08 23:40:00
Neend to hai aankhon meinParr sone se darti hoonDin to kaat leti hu tere bagairParr raat ko aate tere khwaabon se darti hoonAate hain aur mujhe rulaa dete hainTere khwaab mujhe jagaa jaate hainFir leti rehti hoon ghantonTere khayalon mein kho jaati hoonRaat ka chaand dhal jaata haiSubah ka sooraj dekhkarr uth jaati hoonLaghta hai jaise ek zamaana beet gayaPalkon se paklein mili nahiJaagti rehti hu main bistar pe lete leteBahut dino se theek se soyi nahiChale jaao tum, mujhe akela chod doKe ab main sona chahti hoonWada hai mera, aungi milne tumseMain bhi kahan tumhare bagair jee pa rahi hoon

Guzra Zamaana
2007-07-07 10:15:00
Ek zamaana guzar gayaKalam haath mein liye hueAankhon se aansoo chalkaana wohKaagaz parr kuch likhte hueYaad aata hai woh sab kuchAaj bhi dikhta hai aankhon ke saamne beet-te hueLabon pe woh hansi laanaTujhe yaad karte hue...

Sapno Ki Duniya
2007-07-04 18:33:00
Ek aur duniya basaayi haiIss duniya se pareKabhi waqt nikaalke jaati hu wahanKhud ki pehchaan talaashti huKabhi yunhi baithkarr sochti huDhalte suraj ko dekhkarrHaan wahan bhi dhalta hai surajParr iss duniya se alag maahol hota haiPata nahi uss duniya mein sabkuchItna haseen kyun hota haiMeri alag duniya hai wohJahan main hu, meri tanhai haiJaise main chahu main jee sakti huKisiki koi shikayat nahi hai...Haan shayad iss liye accha laghta hai mujheJab bhi waqt mile wahan ho aati huSapno ki duniya hai meri wohMujhe bahut pasand haiJab bhi jaati hu wahanSabse door si ho jaati huMere apne pukaarte hai fir mujheLautne parr majhboor karte haiKuch waqt bitaakarr unke saathFir se wahi lautna chahti huMeri duniya hai wohJahan main meri marzi se jee sakti huSapno ki duniya hai wohParr pata nahi kyun sach laghti hai

Bahaane
2007-06-21 16:03:00
Doston ko hi ab mujhparr yakin na rahaSochte hain main bahaane banaane lagi huDoor jaa rahi hu kahinn tanhaiyon ke sheher meinUnke daaman se daaman chuda rahi hu